Kreu i Partisë Demokratike, Lulzim Basha ka deklaruar se drafti për Byronë Kombëtare të Hetimit është dakortësuar ndërsa kërkoi që Edi Rama ta sjellë atë në Kuvend.
“ Edi Rama ka frikë nga hetimi i korrupsionit në nivele të larta, dhe gjithçka tjetër është një farsë. Është absurde të presim më tej, kur jemi rakorduar për këtë dhe kjo nuk kërkon as ndryshim në Kushtetutë, po mund të implementohet sipas sugjerimeve të ekspertëve amerikane dhe të Venecias. Shpreh dhe një herë gatishmërinë për të votuar në Kuvend këtë version përfundimtar të draftit të rakorduar me sugjerimet e Venecias dhe për t’i hapur rrugë themelimit të Byrosë dhe nisjes pa vonesë të hetimit të korrupsionit”, u shpreh Basha.
Ai kërkoi nga Kryeministri që të sjellë sa më parë draftin në Kuvend, ndërsa shtoi se ky draft nuk ka pse të jetë pjesë e reformës në drejtësi, pasi tashmë është i dakordësuar dhe nuk ka nevojë për ndryshime kushtetuese.
Ai kërkoi që të bëhet transparencë e plotë, duke shtuar është një draft ku opozita ka dhënë konsensusin. /tesheshi.com/
