Byroja e Kuvendit vendosi përjashtimin me 10 ditë nga punimet e Parlamentit të deputetit, Flamur Noka. Në bazë të këtij vendimi Flamur Noka nuk do të marrë pjesë as në seancën e së enjtes të javës së ardhshme.
Mbledhja e Byrosë është shoqëruar me debate, pasi PD ka kundërshtuar kërkesën e PS-së për përjashtimin e Nokës. Edi Paloka, nënkryetar i Kuvendit, kërkoi që nga punimet e Parlamentit duhet të përjashtohet, kryeministri Rama, për shkak se përdori një fjalor fyes.
“Është e turpshme përjashtimi i Nokës përsa kohë ai kërkoi fjalën për proçedurë. Ndërsa Rama që përdor një fjalor fyes, që nuk e ka për herë të parë, nuk përjashtohet”, tha Paloka. Burimet bëjnë të ditur se në vijim opozita akuzoi Gramoz Ruçin se po shkel Rregulloren e Kuvendit, por si përgjigje është dhënë bërja e një mocioni mosbesimi ndaj tij. /tesheshi.com/
