Kreu i diplomacisë së Tiranës, Ditmir Bushati, ka dhënë një përgjigje tipike diplomatike në lidhje me deklarimin e homologut të tij grek, Kotzias, se vendi i tij ka fituar 12 milje det nga marrëveshja e re me Shqipërinë. Ndërsa Bushati ka dhënë garanci se marrëveshja e re do jetë më e favorshme se ajo e nënshkruar nga qeveria “Berisha”.
“Unë po ju them edhe një herë tjetër qartë dhe shkoqur, ne kemi diskutuar në parim për linjat e kuqe, përmes të cilave dhe përtej të cilave ne nuk dalim dot. Po ju them që marrëveshja do të jetë disa herë më e favorshme se marrëveshja që është arritur në 2009. Do të ulen ekspertët në tavolinë, sepse ekspertët nuk janë ulur në tavolinë dhe do të finalizojnë marrëveshjen”, gjatë një interviste në Opinion. /tesheshi.com/
