Shqisa e shikimit është një dhuratë që shumë prej nesh e nënvlerësojmë çdo ditë të jetës sonë.
Paramendoni veten në një situatë kur ju nuk mund të shihni se kush ndodhet përreth jush, apo çfarë është më e rëndësishme, kush është përreth jush. Merrni shembull këtë burrë dhe baba, të quajtur Gene nga Denveri, i cili vuan nga sëmundja Stargardt prej 16 vitesh. Për pasojë ai ka një shikim shumë të dobësuar.
Pasi u diagnostikua me këtë sëmundje, Gene u takua me gruan e tij të ardhshme, Joy. Përfundimisht, ata u martuan sollën në jetë një djalë me emrin Lincoln, të cilin Gene ende nuk e ka parë sot e kësaj dite.
Një ditë, Joy po ndiqte The Rachael Ray Show, kur pa një person me sëmundjen Stargardt, të cilit i ishte dhënë një mundësi për të parë përmes një palë syzeve të veçanta elektronike. Kështu asaj iu shtuan shpresat që së shpejti burri i saj të ketë mundësi ta shikonte atë dhe djalin e tyre.
Çifti dhe djali i tyre 1-vjeçar u paraqitën në skenë, ku Gene iu dhanë një palë syze. Pasi i vuri ato, ai arriti të shikonte gruan dhe djalin e tij. Emocionet ishin a të mëdha saqë nuk dinte çfarë të thoshte në fillim.
Pastaj fjalët “Ajo është shumë e bukur” rrëshqitën nga goja e tij dhe pjesa tjetër ishte një rrjedhje e bukur e emocioneve nga ana e çiftit.
Shikojeni edhe vetë këtë reagim prekës./tesheshi.com/
