Një burrë nuk i ka folur gruas së tij për më shumë se 20 vite, për shkak të vrazhdësisë së tij dhe sepse kishte thënë: “Nuk kamë kthim mbrapa”.
Otou, babai i tre fëmijëve vijoi të jetonte në një shtëpi me gruan, duke u folur normalisht fëmijëve, por ai kurrë nuk i tha as një gjysmë fjale gruas së tij, Katayama Yumi për dy dekada rresht.
Gruaja vazhdonte ti fliste burrit, ta pyeste, të priste përgjigje, por ai kurrë nuk e hapi gojën për të komunikuar me të. Duke treguar arsyen e çuditshme që fshihej pas kësaj heshtjeje, burri tha se ishte xheloz për vëmendjen që gruaja ju kushtonte fëmijëve.
Problemi i çuditshëm u bë publik pasi djali 18-vjeçar i çiftit, Yoshiki, shkoi në një televizion dhe kërkoi ndihmë për të ribashuar prindërit e tij. Ai nuk i kishte dëgjuar kurrë prindërit të këmbenin një fjalë mes tyre, që kur ishte shumë i vogël, e gati-gati nuk mbante mend asnjë gjë që nga ajo kohë.
“Im atë nuk i flet sime mëje, por ajo i flet shumë normalisht atij. Është komunikim i njëanshëm”, – tha djali. Edhe motrat e tij 21 dhe 25 vjeçare nuk mbajnë mend që kur i kanë dëgjuar prindërit të komunikojnë mes tyre.
Duke folur në emisionin televiziv, i cili është xhiruar në jug të Japonisë, babai shpjegoi arsyen e kësaj heshtjeje prej dy dekadash, duke thënë se kishte ndier mungesën e vëmendjes nga bashkëshortja.
“Kur fëmijët tanë lindën, ime shoqe ishte shumë e fokusuar në rritjen dhe edukimin e tyre. Ndihesha xheloz ndaj tyre. Tani nuk ka më kthim pas”, – shtoi ai.
Djali japonez u mundua të bënte të atin të fliste me të ëmën, duke i çuar të dy ata në të njëjtin park ku edhe ishin takuar për herë të parë, para se të martoheshin.
Situata e çuditshme përfundoi me dialog mes çiftit. Pasi ngelën tërësisht vetëm dhe të ndier në siklet edhe nga madhësia e situatës, burri tha duke qarë: “Kemi ca kohë pa folur. Ti ishe shumë e përqendruar tek fëmijët. Kemi pasur një marrëdhënie shumë të vështirë deri më tani. Dua që ta dish se të jam shumë mirënjohës për çdo gjë”, – tha burri, i cili i premtoi edhe një situatë më të paqtë dhe të komunikueshme në të ardhmen./tesheshi.com/
