Përdorimi i burkinit do të gjykohet në drejtësinë franceze dhe në shkallën më të lartë, pas vendimit të Grenoble për lejimin e tyre.
Burkini (nga “burka” dhe “bikini”) mbulon të gjithë trupin, përveç fytyrës, krahëve dhe shputave.
Ato janë të destinuara për femrat muslimane, në mënyrë që të mund bëjnë plazh brenda rregulla etike islame.
Sipas BBC, kundërshtimi i Francës ndaj burkinit filloi në vitin 2016 kur shumë komuna u përpoqën t’i ndalonin ato, në përputhje me ligjet për ndarjen e shtetit nga feja.
Kryetari i bashkisë së Grenoble, Eric Piol, beson se kjo rregullore nuk duhet të pengojë përdorimin e infrastrukturës që synon publikun, siç janë pishinat. (Grenoble nuk ka det).
Në maj, një gjykatë lokale ngriu vendimin e qytetit me arsyetimin se ai minonte parimin e neutralitetit në përdorimin e shërbimeve publike.
Mosmarrëveshja tashmë ka arritur në Këshillin e Shtetit Francez, i cili në të kaluarën kishte nxjerrë një vendim kundër ndalimit të burkinit.
Debate apo çështje të tilla, të cilat kanë në qendër rregullat islame, ku veçon mbulimi i femrës, janë të zakonshme në Francë.
Ato pasqyrojnë dhe frymën historike të këtij vendi, atë pas Revolucionit Borgjez, që e shndërroi atë në themelues të ateizmit. /tesheshi.com/
