Xhamia e Bulqizës ka disa ditë pa energji elektrike, gjë që ka nxitur reagimet e komunitetit të atyshëm të besimtarëve, duke e konsideruar prerjen që i është bërë dritave nga ana e OSHE-së si diçka të padrejtë. Vërtet ka një debi, siç me të drejtë pretendon OSHE-je, por sipas drejtuesve të xhamisë, ajo duhet kërkuar nga Bashkia e qytetit dhe jo nga xhamia.
Ja çka ndodhur konkretisht, që e ka shndërruan xhaminë në nishan të zbatimit të ligjit, me të drejtënë emër të ligjit e shtetit, por me pa të drejtë kur shteti, më saktë OSHE, ngatërron shënjestër dhe “bën viktimë një kalimtar rasti”:
Ambientet e xhamisë, ku në fakt përfshihet dhe një institucion arsimor fetar, kanë qenë të sekuestruara nga Ministria e Financave në periudhën 2005-2013, duke kaluar përkohësisht nën administrimin e shtetit.
Debia i përket vitit 2010-2011, ku në ambientet e atyshme, me urdhëresë të Bashkisë së Bulqizës janë akomoduar 15 familje, që jetonin në një pallat në rrezik shembjeje. Familjet sigurisht që nuk paguan asnjë kacidhe, pasi bëhet fjalë për një periudhë ku të paguaje energji quheshe leshko, gjë që krijoi një debi në ngarkim të Bashkisë së qytetit.
Në vitin 2013, xhamia rimori pronësinë e sekuestruar, por bashkë me të edhe borxhin prej afro 1.200. 000 lekë të reja energji të 2010-2011, kur ishin strehuar familjarët, që i bie të jetë borxhi i Bashkisë që morri përsipër strehimin e tyre.
Vetë drejtuesit e xhamisë shprehen se nuk ka ndodhur ndonjëherë që ata mos i kenë paguar shtetit energjinë elektrike. /tesheshi.com/
