Ndryshe nga bindjet politike, karikaturisti Bujar Kapexhiu, njëherësh aktor e regjisor, ka pohuar vlerën si pedagog të Edi Ramës në Akademinë e Arteve, pikërisht te Artet Figurative, fushë së cilës i përket dhe Kapexhiu.
Në një intervistë për piktorin Helidon Halitin në RTSH, Kapexhiu tha nga PD i ish kërkuar heqja e Ramës nga pozita e pedagogut, pra në fillimin e viteve ’90-të.
“Nga Partia Demokratike më thonin largo Edi Ramën dhe unë nuk pranoja ta hiqja sepse ishte pedagog me vlerë”, tha Kapexhiu, përndryshe i afërt me PD-në, si dhe deri diku kritik politik i Ramës.
“Kështu që unë nuk e hoqa, nuk e hoqa ndoshta për këtë gjë kam një njollë të zezë në biografi”, tha ai me humor.
Ndryshe nga Kapexhiu, PD dhe vetë Berisha, në luftën e ethshme politike sot e kurdo ndaj Ramës, ka tentuar ta destruktojë dhe profilin e tij artistik, duke e cilësuar si të “dështuar”, pa thënë kurrë se mbi ç’kritere e cilëson të tillë. /tesheshi.com/
