Eshtë koha që Brukseli të kuptojë se Azia Qendrore është çelësi për sigurinë evropiane, duke qenë se 30,000 deri në 35,000 emigrantë largohen nga Afganistani çdo ditë, tha të mërkurën ministri i jashtëm hungarez Peter Szijjarto.
Në një konferencë të përbashkët për shtyp me homologun e tij taxhik Sirojiddin Muhriddin, ai vuri në dukje se nëse vendet e Azisë Qendrore vendosin të hapin kufijtë e tyre për emigrantët, Evropa do të përballet me një valë edhe më të madhe emigrantësh sesa në vitin 2015.
“Si rezultat, ligjëratat për të drejtat e njeriut duhet të braktisen përfundimisht dhe mbështetja e vërtetë duhet t’u ofrohet vendeve fqinje të Afganistanit për t’i ndihmuar ata të ruajnë kufijtë e tyre,” tha ministri i jashtëm hungarez.
Të drejtat e njeriut apo siguria?
Szijjarto shtoi se “propozohet që Bashkimi Evropian të paktën të dyfishojë 20 milion euro të alokuara për këtë qëllim, dhe që kjo mbështetje të transferohet në vendet e rajonit sa më shpejt të jetë e mundur”.
Taxhikistani po mbron 1,344 kilometra kufirin me Afganistanin dhe është koha e duhur që BE të ofrojë mbështetje efektive, tha ai.
Ministri hungarez theksoi se është koha që Evropa, Brukseli dhe organizatat joqeveritare të kuptojnë se mbrojtja e kufirit nuk është çështje e të drejtave të njeriut, por çështje e sigurisë. /tesheshi.com/
