Kush ka lekë të depozituara në bankat që janë regjistruar në Shqipëri, prej ditës së sotme do të humbë 0.75% të shumës në fund vitit.
Kjo pasi Këshilli Mbikqyrës i Bankës së Shqipërisë ka shpallur sërish uljen e normës së Interesit të Lekut.
BSH uli normën bazë të interesit me 0.25 për qind, duke e zbritur atë në rekordin e ri historik prej 1.75 për qind. Kjo është ulja e 14 me radhë, edhe ky një rekord tjetër historik.
Këshilli Mbikqyrës e vendosi këtë masë pasi mori në shqyrtim Raportin Tremujor të Politikës Monetare. Pasi u njoh me zhvillimet më të fundit ekonomike, monetare e financiare në vend, si dhe në vijim të diskutimeve mbi ecurinë e pritur të tyre, Këshilli vendosi ta ulë edhe me 0.25 pikë përqindje të tjera normën bazë të interesit. /tesheshi.com/
