Ish-ylli i basketbollit amerikan qw u shua në mënyrë tragjike, Kobe Bryant, dhe shkrimtari brazilian Paulo Coelho, punuan në një libër të përbashkët për fëmijë, por autori i “Alkimisti”-t fshiu draftin e librit pas vdekjes së Bryant në një përplasje me helikopter, raporton AP.
Coelho, 72 vjeç, i tha agjencisë amerikane se Bryant dhe ai filluan të flasin për projektin në vitin 2016, kur lojtari i Lakers dhe fituesi i titullit pesë herë në NBA i tha lamtumirë karrierws së tij 20-vjeçare. Ata niswn të shkruajnë librin muaj më parë.
Sapo dëgjoi për vdekjen e Bryant, Coelho konfirmoi që ai do të fshijë projekt-librin sepse nuk donte ta përfundonte pa të.
“Unë e fshiva draftin sepse nuk pashë ndonjë pikë në botimin e librit pa të. Libri nuk do të ishte i rëndësishëm për atë ose familjen e tij”, tha Coelho në një intervistë telefonike me AP nga shtëpia e tij në Gjenevë.
“Kjo nuk do të thotë se do të më ndalojë të shkruaj një ditë për gjëra që kam mësuar nga Kobe dhe se si ai ishte një njeri me botw më të madhe”, tha shkrimtari brazilian, duke shtuar se, në fund të fundit, “libri nuk ka më kuptim”.
Shkrimtari i njohur, librat e të cilit janë shitur në dhjetëra milion kopje në të gjithë botën, tha se ideja e librit ishte të frymëzonte fëmijë nga familje të pafavorizuara, si dhe fëmijë nga klasa e ulët e shoqërisë që të zgjedhin vendin e tyre në botë përmes sportit. /tesheshi.com/
