Zëdhënësja e Brukselit, Maja Koçijançiç, komentoi mbi pohimet se Gjermania dhe Franca mund të jenë të përfshirë në mënyrë aktive në këtë proces.
Reagimi i saj, një deklaratë dhënë për beogradasen “Veçernje Novosti”, vjen pas zërave se se Gjermania, dhe veçanërisht Franca, mund të merrnin pjesë aktive në këtë proces.
Koçijançiç thotë se do të jenë të mirëpritur për çdo angazhim në mbështetje të një dialogu që lehtëson punën e Bashkimit Evropian, duke përfshirë edhe një takim të mundshëm të ri, por thekson se Mogherini është në krye të misionit të saj.
“Kontaktet tona janë duke vazhduar. Për shembull, përfaqësuesja e lartë (Mogherini) do të marrë pjesë në takimin e liderëve në kuadër të Brdo-Brijuni në Tiranë më 8 dhe 9 maj. Ajo është e gatshme për t’u rimbledhur për dialogun”, tha Koçijançic.
Siç thkesoi ajo, ” është gjithashtu e qartë se Qeveria e Kosovës duhet të shfuqizojë taksën (për importin e mallrave nga Serbia dhe Bosnja), për të mundësuar kthimin e shpejtë të dialogut”. /tesheshi.com/
