Pak orë pas presidenti Meta vuri në lojë Reformën në Drejtësi, si pjesë e kundërshtisë gjithnjë e më të qartë ndaj saj, një reagim flakë për flakë i ka ardhur nga Brukseli. Duke nuhatur që e gjithë kriza, e në qendër të saj sjellja e pazakontë e kreut të shtetit kanë në thelb anti-reformën, ambasadori i Bashkimit Europian në Shqipëri Luigi Soreca tha se ajo do vijojë pakthyershëm, duke patur si finale krijimin e SPAK-ut dhe të tjera institucioneve.
“Zbatimi i Reformës në Drejtësi vazhdon dhe është i pakthyeshëm. Fokusi tani është krijimi i SPAK dhe rikthimi i funksionalitetit të Gjykatës Kushtetuese. Sapo të përfundojë procesi rigoroz i rivlerësimit të kandidatëve, SPAK do bëjë të mundur që Shqipëria të rrisë më tej luftën kundër korrupsionit dhe krimit të organizuar, ndërsa Gjykata do të qartësojë të gjitha çështjet e pazgjidhura në lidhje më të drejtat kushtetuese, përfshi çështjet zgjedhore.
Lufta kundër korrupsionit duhet të vazhdojë në mënyrë të përditshme. Prokuroria duhet të hetojë çdo formë të dyshuar të korrupsionit, përfshi shkeljet zgjedhore dhe blerjen e votave, në zbatim të ligjeve ekzistues. Për të konfirmuar që cikli i drejtësisë penale funksionin efektivisht është gjithashtu e rëndësishme që gjykatat të japin dënime përfundimatre mbi akuza të pazgjidhura për çështje serioze të krimit të organizuar”, tha diplomati i Brukselit në Tiranë. /tesheshi.com/
