Kryeministrja serbe Ana Brnabiç postoi në profilin e saj në Tëitter një foto të një kukulle të varur të presidentit serb Aleksandar Vuçiç.
Ajo pyet veten se si t’ua shpjegojë këtë fëmijëve, duke vënë në dukje se ajo është vetë prind.
“Si ua shpjegoni këtë fëmijëve? Djali im është katër vjeç. Më vjen keq për ju që promovoni një shoqëri më tolerante – dhe nuk di si t’ia shpjegoj. Aleksandar Vuçiç është shok, baba, bir. Një njeri që jep gjithçka për Serbinë të jetë më e fortë. Ju keni një vizion tjetër – në rregull, por me varje, dhe ju luftoni kundër dhunës”, ka shkruar ajo.
Ndonëse ajo nuk ka specifikuar se ku dhe kur është varur kukulla, është domethënëse fakti që e ka ndarë atë gjatë kohës që po zhvillohej protesta “Serbia kundër dhunës” në Beograd.
Supozohet se ajo ka dashur të tregojë se mesazhe të tilla janë dërguar nga tubimi.
Siç dihet, prej javësh në Serbi kanë shpërthyer një valë protestash kundër Vuçiçit, të pakrahasushme për nga masiviteti me ato kundër Ramës në Shqipëri.
Shkak qenë dy vrasje masive në Beograd me disa të vdekur. /tesheshi.com/
