Mbretëria e Bashkuar do të largohet nga Bashkimi Evropian më 31 tetor, tha ministri i Financave Sajid Javid, duke shtuar se ai shpresonte të arrinte një marrëveshje deri atëherë.
“Shpresoj se jemi dakord; nëse ne nuk mund të arrijmë një marrëveshje, unë mendoj se është e rëndësishme të dalim gjithsesi, edhe pa një marrëveshje. Nuk është e përsosur, por është e përshtatshme, në mënyrë që të dalim me 31”, tha Javid.
Javid ka refuzuar në mënyrë të përsëritur të shpjegojë se si qeveria mund të zbatojë Brexit pa një marrëveshje, duke pasur parasysh që një ligj i miratuar kohët e fundit kërkon nga kryeministri të vonojë Brexit në një rast të tillë, raportoi Reuters.
“Sigurisht që legjislacioni i miratuar nga parlamenti i ka bërë gjërat më keq, por është e qartë se politika jonë ka mbetur plotësisht e pandryshuar; ne po largohemi më 31 tetor”, tha ministri.
Kryeministri britanik Boris Johnson tha më herët se qeveria e tij do të respektonte ligjin dhe se do të mbetet e angazhuar për të lënë vendin me marrëveshjen e arritur. /tesheshi.com/
