Mijëra njerëz morën pjesë në Marshimin e Pavarësisë Skoceze në Edinburg.
“Ne pa dyshim po i afrohemi pavarësisë”, shkroi në një mesazh në Tëitter kryeministrja skoceze Nicola Sturgeon, e cila kundërshton Brexit-in.
Sturgeon planifikon të mbajë një referendum për pavarësinë e Skocisë brenda dy viteve të daljes së Britanisë nga Bashkimi Evropian.
Ajo ka akuzuar kryeministrin britanik Boris Johnson për përpjekje për të tërhequr Britaninë nga blloku pa një marrëveshje daljeje.
“Pozicioni themelor i Skocisë është i qartë. Propozimet e Johnson do të na nxjerrin nga BE, e kjo kundër vullnetit tonë”, tha ajo.
Në referendumin e parë për pavarësinë e Skocisë në 2014, 55 përqind e votuesve mbështetën mbetjen në Mbretërinë e Bashkuar. /tesheshi.com/
