Kur qeveria shqiptare do pozicionohej kundër shpalljes së Jeruzalemit si kryeqytet i Izraelit nga ana e ish-presidentit Trump, ky akt i Ramës do lexohej si një lloj integritet i tij politik për të mos qenë fare palaço në atë lloj servilizmi të shëmtuar që karakterizon politikanët shqiptarë karshi të mëdhenjve të botës, para të cilëve “heqin” lehtësisht dhe “brekët”, duke mos patur apo kultivuar pikë dinjiteti. Rama e ka treguar një prirje të tillë për të mos qenë i tillë edhe në deklarime kokëshkreta ndaj BE-së, por prej kohësh, siç është parë dhe në rastin me Kosovën, ai është shndërruar në stereotipin e atij soji udhëheqësish, që, siç ka shkruar vetë dikur, si kompensim i nënshtrimit ndaj më të madhit tregohet xhambaz me më të voglin.
Gjithsesi, te çështja e Jerusalemit e pati një argument kundërshtues që ia ruajti fytyrën, sidomos karshi Turqisë: rreshtimin kah pozicionit të BE-së për Jerusalemin si kryeqytet i mundshëm i dy shteteve. Por sprova më e fortë e një morali politik, si dhe e një morali edhe njerëzor, ishte tani, tani kur i gjithë Perëndimi është shndërruar në mburojë të një shteti kriminal si Izraeli. Morali njerëzor në këtë rast është jo ai me ndëgjegjen e vet kur sheh se ç’masakra e ç’genocit po kryen shteti hebre ndaj një populli, por ai ndaj Turqisë dhe ndaj atyre vendeve arabe që i janë bërë “vëlla e shkuar vëllait” si ndihmëtarë në shumë forma të tij dhe qeverisjes së tij. Dhe ai luan me ato, deri në shpërfillje, deri në fyerje madje, sepse e di që ato vende nuk janë Izrael, një shtet pa fije morali që bën tregëti me gjithçka, prej së cilit nuk buron fije njerëzillëku por vetëm interesa, ndryshe nga vendet mike muslimane ku njerëzorja dominon mbi interesa.
Këto ditë, Rama dhe Veliaj “hoqën brekët” para Izraelit, duke vendosur nëpër Tiranë billboard-et me pengjet e Hamasit, në një kontekst krejt të ndryshuar që nga 7 tetori, ku prej një muaji rresht, shteti me kriminal në histori po prodhon Holakaustin nr. 2.
Nuk dihet nëse janë urdhëruar apo e kanë bërë vetë, si shprehje të një servilizmi irritues, pasi shpërfill turpshëm sentimentet e pjesës muslimane në shumicë të shoqërisë, apo qoftë dhe atyre vendeve muslimane prej të cilëve janë mbështetur me fonde në vite për sa e sa punë të mëdha, pa interes, siç ka thënë dhe i sinqerti deri në naivitet Pandeli Majko vite më parë, në vlerësim për vendet arabe.
Rama nuk është idiot; ai i di e i dallon të vërtetat nga gënjeshtrat, posedon dhe aftësinë komunikative për të gjetur ekuilibrat e duhur në çështje me spec ndërkombëtar, por nuk po e bën, sepse nëse Zoti i ka dhënë mendje, s’i ka dhënë ndërgjegje. Dhe njeriu është ndërgjegje para se të jetë mendje, është moral, etikë. Nëse s’i ke këto të trija mendja degradon. Ndaj kanë degraduar dhe izraelitët, pasi trinomi ndërgjegje/moral/etikë te ata nuk ekzistojnë si nocione njerëzore. /tesheshi.com/
