Deputeti socialist Erjon Braçe ka postuar sot një foto në facebook ku është ai më 26 Maj 1996, i rrahur nga policia në protestën e opozitës së asaj kohe ndaj zgjedhjeve të vjedhura nga Berisha në pushtet. Ai e ka cilësuar Berishën kriminel dhe dhunuesin e atyre zgjedhjeve duke shprehur hapur pakënaqësinë që sot sipas tij është përsëri Berisha që ka në dorë gjithçka që nga Presidenti deri tek ministri i Brendshëm.
Deputeti socialist ka thumbuar edhe aleatin politik, LSI-në, për marrëvshjen me Paskal Milon.
Ja cfarë shkruan Braçe:
“26 Maj! 21 vite më pas, përsëri në Zgjedhje!
Krimi ka mbetur ende pa u ndëshkuar, është aty, jo vetëm si kujtim për mua-dita e parë e dhunshme në politikë, por edhe për çdo beratas, kuçovar gjithashtu, një shumicë shqiptarësh, socialistë brenda tyre, të masakruar barbarisht nga policia, SHIK e banda paramilitarësh të armatosur si nëpunes shteti, policë tatimesh, policë elektriku, etj..
Kur dëgjoj sot çfarë thuhet për zgjedhjet, veçanërisht këto që do mbahen, ndjesitë janë të ndryshme.
Fjala bie, kam qeshur dje gjithë ditën me atë marrëveshjen e ditës ku LSI merrte përsipër t’i (r)ruante votat PDS-së.
Por s’kam si mos ulërij, kur dëgjoj kriminelin Sali Berisha të flasë për votë që devijohet për maturantë që shkojnë të pushojne dy ditë në Sarandë!
Kulmi! Ky kriminel është autori i zgjedhjeve të 26 majit, barbarisë që i pasoi në seri, 28 maj, tetor të po atij viti me zgjedhje farse, pastaj prej dhjetorit deri në mars 97 kur masakroi një popull të tërë.
Kohët kanë ndryshuar, ai, krimineli mbetet aty!
Imagjinoni, zgjedhjet e pas një muaji, do të zhvillohen në kushtet kur Sali Berisha ka sërish gjithçka, nga Presidenti deri tek ministri i Brendshëm.
Ai nuk konkuron dot pa ta, si në pushtet ashtu dhe në opozitë.
Tani është brenda qeverisë me shokët e shoqet e shtëpisë, familes, për të na ndaluar në “tëe vjedhim votat e PDS”!
Ky është nje kulm i ri!
Ne kemi hyrë në zgjedhjet e tij pa asgjë, që prej 26 majit ai i ka patur të gjitha, presidentin, qeverinë, policinë, SHIK, prokurorinë, gjykatat, me të gjitha këto na ka vjedhur e na ka vrarë dhe pasi ka ndodhur kjo, përsëri kemi hyrë në zgjedhje pa asgjë dhe e kemi mundur!”/tesheshi.com/
