Një ditë pas Rusia zhdëpi Arabinë Saudite në futboll në kuadër të Botërorit, me rezultatin 5-0 në takimin hapës të finaleve, të dy vendet kanë lënë mënjanë topin dhe janë dakordësuar që të zgjerojnë bashkëpunimin në sektorin e naftës dhe gazit, njoftoi Ministria e Energjisë e Rusisë.
Kjo u vendos pas një takimi të ministrit rus të energjisë, Alexander Novak dhe homologut të tij saudit Khalid al-Falih në Moskë.
Të dy vendet po punojnë për një marrëveshje dypalëshe që ka për qëllim rritjen e shitjeve të naftës dhe gazit, duke ndarë pronësinë e përbashkët për një treg të qëndrueshëm.
Në deklaratën e përbashkët thuhet se ata janë të hapur dhe ndaj vendeve të tjera që të bashkohen me Organizatën e Vendeve Eksportuese të Naftës (OPEC), si dhe për zgjerimin e bashkëpunimit me partnerët.
Rusia është prodhuesi më i madh i naftës në botë, ndërsa Arabia Saudite është eksportuesi më i madh i naftës së papërpunuar. /tesheshi.com/
