Kampionati Botëror në Atletikë, i cili filloi të premten në qytetin amerikan Eugene-Oregon, mund të mburret shpërblime më të mëdha financiare se kampionatet e mëparshme botërore.
Fituesit e arit në disiplina të caktuara do të marrin nga 70.000 euro secili, çmimi për argjendin është 35.000, kurse i bronzit 22.000 euro, njoftoi Federata Ndërkombëtare e Atletikës (World Atletics).
Fituesit e stafetës do të marrin 80.000 euro për medaljen e artë, 40.000 për argjendin dhe 20.000 euro për medaljen e bronztë.
Një bonus shtesë do të fitojnë ata që vendosin rekord botëror dhe do të marrin nga 100 mijë euro secili.
Në Kampionatin e fundit Botëror, të mbajtur në vitin 2019 në Doha, u thyen dy rekorde botërore. Fondi i përgjithshëm i çmimeve të Kampionatit Botëror të Atletikës sivjet arrin në 8.5 milionë euro.
Para fillimit të Kampionatit Botëror të Atletikës, u vendos që mikpritës i sportistëve më të mirë të botës në vitin 2025, të ishte Tokio, që do të jetë hera e dytë, pas vitit 1991, që do të organizojë këtë garë.
Tokio mundi Nairobin, Katowice dhe Singapore në garën për të pritur eventin e atletikës së më të mirëve në botë.
“Në konkurrencën e fortë të kandidatëve për të pritur Kampionatin Botëror të Atletikës 2025, Tokio ka paraqitur një ofertë të jashtëzakonshme. Shpresoj se sjellja e elitës botërore të atletikës në Tokio do të jetë një shembull i ndritshëm për Japoninë, e cila në vitin 2025 do të festojë 100 vjet nga themelimi i Shoqatës Kombëtare të Federatave të Atletikës”, tha Sebastian Coe, president i Federatës Ndërkombëtare të Atletikës.
Vitin e ardhshëm mikpritës i Kampionatit Botëror të Atletikës do të jetë Budapesti. /tesheshi.com/
