Më shumë se gjysma e shqiptarëve kanë edhe një jetë virtuale në facebook, instagram e më pak në Twitter. Tashmë interneti është hapësira ku ata marrin informacione, ku bëjnë jetë sociale, komentojnë dhe ndajnë jetën e tyre me të tjerët.
Shumë politikanë, artistë dhe aktorë të jetës publike e përdorin botën virtuale për të bërë propagandë, për të reklamuar veten dhe karrierën e tyre apo për të bërë para me klikime në site-ty e tyre.
Një studim i kryer nga departamenti i Komunikimit në Universitetin Evropian të Tiranës dhe i botuar në revistën Mapo ka nxjerrë dhe top-listën e njerëzve më të ndjekur në botën virtuale, ku në krye ndodhet një aktor humori, Ermal Mamaqi, i ndjekur një “aktor” i jetës politike dhe pikërisht kryeministri Edi Rama.
Sipas të dhënave statistikore, shqiptarët kanë një varësi të lartë nga interneti dhe rrjeti i tyre më i parapëlqyer është Facebook-u.
Nga 2.911.000 njerëz që banojnë në Shqipëri, 1.932.024 janë përdorues të rregullt të internetit dhe nga këta 1.,400.000 kanë një profil të hapur në Facebook.
Rrjeti i dytë më i ndjekur ishte Instagrami, me gati gjysmën e personave që gjenden në Facebook, 680.000 dhe më pas vjen Twitter dhe rrjetet e tjera.
Studiuesit e kanë ndarë studimin e tyre në disa kadegori: politikanë; individuum, ku janë renditur gazetarë, opinionistë, liderë fetarë apo edhe studiues e akademikë; Art-Sport, ku janë renditur artistë e sportistë dhe entertainment, ku përfshihen ata persona që shquhen apo janë të famshëm “pa asnjë arsye”.
Në listën e më të ndjekurve ka nga të gjithë kategoritë e shoqërisë, që nga një imam, siç është rasti i Elvis Naçit me më shumë se 406 mijë ndjekës e që renditet i pari në kategorinë “individualitete”, e deri tek njerëz të show-bizz si Bleona Qerreti dhe Luana Vjollca.
Në kadegorinë e politikanëve, Edi Rama hahet për më shumë popullaritet me Sali Berishën dhe kundërshtari i tij real politik, Lulzim Basha, renditet i treti në listë duke vijuar të jetë një hap pas paaardhësit të tij edhe në virtualitetin e Facebook-ut.
10 më të ndjekurit:
1.Ermal Mamaqi 2.067.285
2.Edi Rama 1.124.392
3.Sali Berisha 1.066.951
4.Bleona Qerreti 965.565
5.Alban Skënderaj 931.199
6.Elvana Gjata 925.134
7.Xhensila Myrtezaj 886.363
8.Luana Vjollca 840.466
9.Angela Martini 835.967
10.Eni Koci 741.487
/tesheshi.com/
