Kriza e refugjatëve që nuk ndalet në Europë, protestat në Afrikën e Jugut, pasojat e uraganit Methju – fotografitë më të mirë të lajmeve që kanë kapur titujt e parë të shtypit, por edhe nga kultura e sporti në të gjithë botën vijnë në një përmbledhje javore nga gazeta londineze, “The Guardian”.
Uragani Methju shkatërroi qytetin e Jeremie, duke lënë pas veç rrënojat e infrastrukturës së tij. Sekretari i Përgjithshëm i OKB-së, apeloi për një “përgjigje masive” për të ndihmuar Haitin pas uraganit, ndërsa zyrtarët lokalë janë në vështirësi për të siguruar ushqim, medikamente mjekësore dhe ujë të pijshëm për komunitetet e shumta të izoluara e të dëshpëruara në vend.
Njerëzit pastrojnë mbeturinat e shkatërrimit të uraganit Methju nga një kishë në qytetin Les Anglais. Kolera po kërcënon sërish Haitin, pasi uragani solli përmbytje, dhe detyroi banorët të pijnë ujë të ndotur – madje edhe në rajonet që kanë marrë pak dërgesa ndihmë emergjente.
Një zjarrfikës vullnetar hap rrugën përmes ujërave Methju për të fikur dritat e një autobuzi shkolle.
Mbështetësit ndjekin një fjalim nga kandidati presidencial republikan, Donald Trump gjatë një tubimi fushate. Trump u përpoq të rriste mbështetjen pas një rënieje drastike duke sjellë në fjalimet e tij akuza të reja, ndërkohë që një numër grash kanë dalë për të hedhur poshtë pretendimet e tij se frazat për ngacmime seksuale ishin thjesht mburrje boshe. Rryma e akuzave, edhe nga konkurrente të konkurseve të bukurisë, u shtohen shumë të tjerave që e kanë akuzuar atë për sjellje të papërshtatshme.
Mbështetësit e republikanit Trump recitojnë zotimin ndaj aleancës me të në një tubim fushate në Florida. Në shtatë ditët pas daljes së videos ku Trump paraqet sjellje të turpshme ndaj grave, edhe shumë republikanë kanë pranuar se gara presidenciale ka ndryshuar përtej të gjithë ngjashmërive me nisjen e saj. 
Një grua qan ndërsa autokolona që mban trupin e pajetë të mbretit Bhumibol Adulyadej parakalon drejt pallatit të Madh në Bangkok. Mbreti Bhumibol Adulyadej ndërroi jetë këtë javë në moshën 88-vjeçare pas shtatë dekadash në fron gjatë të cilave u shndërrua në një figurë bashkuese atërore dhe burim stabiliteti në një vend që ka përjetuar më shumë se dhjetë grushte shteti që kyr ai erdhi në pushtet në vitin 1946 në moshën vetëm 18 vjeç.
Protestuesit vrapojnë të fshihen pasi policia qëlloi me plumba gome gjatë protestës në rrugët e Braamfontein në Johannesburg. Tarifat universitare janë bërë shkak konflikti e protestash në Afrikën e Jugut e cila nuk ka mundur të sigurojë arsimim, punësim dhe strehim për shumë njerëz me ngjyrë që pas përfundimit të Apartejdit në vitin 1994. Përplasje të dhunshme me policinë shpërthejnë herë pas here në kampuset në vend gjatë muajve të fundit, dhe disa universitete janë mbyllur për të shmangur trazirat e mëtejshme. 
Studentë me maska hyjnë në një ndërtesë të universitetit prestigjioz, Witwatersrand për të ndërprerë mësimin në përpjekje për të mbyllur kampusin. Protestuesit studentë hynë me forcë në korridore dhe salla leksioni dhe shumë orë mësimore nuk janë zhvilluar gjatë javës, duke shtuar presionin në betejën për tarifat universitare.
Konkurrentët notojnë gjatë triatlonës së 38-të në Kailua Kona.
Një emigrant u shpëtua nga uji paji anija prej gome ku ai udhëtonte nisi të mbytej rreth tetë milje detare nga brigjet e Libisë.
Një djalë i plagosur sirian qan pas bombardimeve ruse që shkatërruan lagjen e kontrolluar nga opozita në Alepo, Firdevs. Presidenti sirian, Bashar Al Asad foli këtë javë për “pastrim” të qytetit të rrethuar, ku një çerek milioni njerëz janë bllokuar nën bombardime të ashpra të forcave të tij qeveritare që po e përdorin si një kamardare për të fituar luftën në vend.
Luftëtarët e ushtrisë së Lirë Sirianë marrin pjesë në një betejë kundër ISIS në fshatin verior të Sirisë, Yahmoul.
Tymi ngrihet në qiell nga një ndërtesë bashkiake ku avionët e koalicionit që drejtohet nga sauditët goditën një funeral. Më shumë se 140 persona u vranë dhe më shumë se 525 u plagosën kur avionët goditën ceremoninë në kryeqytetin e Jemenit, Sanaa. Kryengritësit Huthi fajësuan avionët sauditë.
Një grua nomade wakhi mjel yaksët. Në një rrip të ngushtë toke që shtrihet midis Taxhikistanit dhe Pakistanit ka pak paqe pasi talibanët janë përpjekur të vendosin sundimin e tyre. njohur si korridori Wakhan, afërsisht 12 mijë fshatarë banojnë në një lartësi prej 4500 metrash mbi nivelin e detit në një jetë të thjeshtë me bagëtitë e tyre.
Një pjesëtar i skuadrës së ndeshjeve me dema shtrihet në tokë pasi u godit nga një dem në fushën Pequeno në Lizbonë, Portugali.
Një burrë ultra-ortodoks tund pulën mbi familjen e tij ndërsa performon ceremoninë Kapparot në lagjen Mea Shearim në Jeruzalem. Rituali hebre supozohet të transferojë mëkatet e vitit të kaluar tek pula, në ditën më të rëndësishëm të kalendarit hebraik.
Rivënie historike në skenë ku banorët përshkojnë fushë-betejën në fund të marshimit nga Jorku. Pjesëmarrësit mblidhen në këtë vend që nga beteja e vitit 1066 midis ushtrisë normano-franceze të Uillimait dhe ushtrisë angleze të mbretit Harold II për të shënuar këtë radhë, 950- vjetorin e saj. Fitorja e mbretit Uilliam shënoi nisjen e pushtimit norman të Anglisë.
Anëtarët e së vetëshpallur republikë e popullit të Luhanskut në Ukrainë bëjnë rojë ndërsa banorët mbajnë radhë në një pikëkalim të vendosur midis kryengritësve të mbështetur nga Moska dhe trupave ukrainase.
Një kadet sheh përmes një dritareve autobuzi përpara një ceremonie në katedralen e Shën Sofisë në Kiev, Ukrainë.
Dy peshq tropikalë përballë njëri-tjetrit në akuariumet e tyre në një ekspozitë në Bangkok.
Përgatiti: Juli Prifti – /tesheshi.com/
