E diela ka qenë ditë proteste për mijëra boshnjake, që kanë dalë nëpër rrugët e Sarajevës për të ngritur zërin kundër vendimit më të fundit që ndalon mbajtjen e hixhabit në institucionet gjyqësore të vendit.
Vendimi është marrë nga Këshilli i Lartë Gjyqësor i Bosnjës, duke i ndaluar “shenjat fetare” në institucionet e drejtësisë.
Ai e ndalon mbajtjen e tij si një “shenjë fetare”, dhe prek me këtë të gjithë punonjësit e organeve të drejtësisë.
“Hixhabi është zgjedhja ime e përditshme” dhe “Hixhabi është e drejta ime” shkruhej në pankartat që mbanin në duart gratë boshnjake.
“Ndalimi i mbajtjes së hixhabit në institucionit gjyqësore është një sulm serioz kundër identitetit, personalitetit dhe nderit musliman,” do të thoshte një prej grave organizatore të protestës.
“Jemi mbledhur për të protestuar kundër paragjykimit, diskriminimit dhe margjinalizimit,” shtoi ajo.
Mbajtja e hixhabit është pjesë e veshjes tradicionale të grave muslimane boshnjake, dhe heqja e tij është e paimagjinueshme për to. /tesheshi.com/
