Shumë luhatje këtë sezon për Borusian e Dortmundit, por çka mund të veçohet gjer tani janë fitoret e thella të herëpashershme.
Me golashënuesin më të mirë të kampionatit gjerman, Aubameyang-un, ja çka bërë Borusia prej shtatorit të 2016-s: më 14 shtator, në Champions League, mund 0-6 Legian e Varshavës në Poloni, tre ditë më vonë, në Bundesligë, fiton me të njëjtin rezultat ndaj Darmstadtit, për të vijuar me fitoren e 20 shtatorit ndaj Volfsburgut, 1-5, më 5 nëntor fiton 2-5 në transfertën ndaj Hamburgut, e mposht 8-4 sërish Legian e Varshavës më 22 nëntor.
Për të ardhur te fitorja e sotme, po ashtu tenistike, 6-2 ndaj Bajer Leverkusenit.
Eshtë java e 23-të e Bundesligës. Dembele, Aubameyang, përsëri Aubameyang, Pulisic, Schurrle dhe Guerreiro vulosin me golat e tyre fitoren ndaj “aspirinave”.
E 12-ta fitore për Dortmundin, që për golat e shënuar renditet pas Bajernit të Mynihut. Përndryshe, në klasifikim pozicionohet në vend të tretë, me Lajpcigun përpara.
Bajerni i Mynihut fitoi sot 0-3 në fushën e Këlnit, kurse Lajpcigu barazoi mbrëmë në transfertën ndaj Augsburgut. /tesheshi.com/
