Boris Becker në telashe: kërkon imunitet diplomatik pas akuzave për falimentim

Ish-ylli i tenisit botëror, Boris Becker është përfshirë së fundi në një proces gjyqësor, në mbrojtje ndaj një padie për falimentim.

Avokatët tij kanë paraqitur një kërkesë përpara një gjykate në Mbretërinë e Bashkuar, duke kërkuat imunitet diplomatik për ta mbrojtur atë nga kjo paditi për shkak të borxheve bankare.

Ata thonë se emërimi i tij si ambasador sportiv për Republikën e Afrikës Qendrore (CAR) do të thotë se ai nuk duhet të jetë subjekt i procesit ligjor në asnjë vend.

50-vjeçari gjerman, ish-nr.1 në botë i cili fitoi gjashtë Grand Slam-e duke përfshirë tre tituj Wimbledon, u shpall i falimentuar vitin e kaluar mbi paratë që i detyroheshin bankës Arbuthnot Latham.

Në prill të këtij viti, Becker u emërua nga Republika Qendrore Afrikane si atashe sportiv dhe kulturor në Bashkimin Evropian. Ai tha se donte të ndihmonte që ky vend të ishte “i sigurt dhe me vlerë për jetën e njerëzve të saj”.

Kërkesa për imunitet i referohet Konventës së Vjenës të vitit 1961 mbi Marrëdhëniet Diplomatike. Pretendimi tani para Gjykatës së Lartë argumenton se Becker ka imunitet ligjor nëse nuk ka ndërhyrje për ta larguar atë nga qeveritë britanike dhe Republika e Afrikës Qendrore.

Becker ka emëruar avokatin Ben Emmerson QC, i cili gjithashtu ka përfaqësuar Julian Assange dhe Marina Litvinenko.

Ish-ylli i tenisit ankohet se procedurat e falimentimit janë “të pajustifikuara dhe të padrejta”, të sjella nga “bankierë dhe burokratë të papërgjegjshëm” që kanë “shkaktuar një grumbull të tërë dëmesh” tek Becker dhe ata që janë afër tij.

 “Unë tani kam kërkuar imunitet diplomatik, siç jam i detyruar të bëj, me qëllim që ta denoncoj këtë fares e të filloj ta rindërtoj jetën time”, tha ai. /tesheshi.com/