Rusia përsëri u përpoq që përkujtimin e 25 vjetëve nga bombardimi i NATO-s ndaj Serbisë ta fuste në rendin e ditës të seancës së Këshillit të Sigurimit të Kombeve të Bashkuara, por propozimi i saj nuk u miratua.
Kjo është përpjekja e dytë e tillë e Rusisë, e cila po përpiqet ta vendosë këtë temë në axhendën e Këshillit të Sigurimit në emër të Serbisë.
Vendimi për futjen e kësaj teme në rend dite të seancës u hodh pas votimit me nëntë abstenime. Kishte gjashtë anëtarë të Këshillit të Sigurimit të OKB-së për të mbajtur seancën.
Franca kundërshtoi sërish propozimin e Rusisë.
“Delegacioni im nuk mendon se është e nevojshme të përsëritet ajo që thashë të hënën. Ne po diskutojmë situata të sigurisë ndërkombëtare, ky nuk është një forum ku duhet të diskutojmë raste historike të shekullit të kaluar. Ne përballemi me krizat aktuale. U bëj thirrje të tjerëve që të mos mbështesin axhendën”, tha përfaqësuesi i Francës në OKB, Nicolas de Rivière.
“Franca, Britania dhe SHBA thonë se nuk jemi konsultuar me të tjerët nga Këshilli. Ne patëm konsultime dje dhe shefat e misioneve nuk u paraqitën (një numër shumë i vogël)”, tha Zv/Përfaqësuesi i Përhershëm i Rusisë në OKB, Dmitry Polyansky.
Ai theksoi se “tema e agresionit kundër një vendi sovran është e pakëndshme për vendet perëndimore”.
“Situata në Kosovë po përkeqësohet sepse Perëndimi po u jep shqiptarëve një kalim të lirë”, tha ai.
“Rusët na akuzojnë për mashtrim procedural… Vetë rusët kërkuan një votim procedural. Ky është një zemërim i rusëve. Nëse ata vazhdojnë të bëjnë thirrje për votim në çdo takim, atëherë do ta bëjmë edhe ne”, tha Zëvendës Përfaqësuesi i Përhershëm i SHBA në OKB, Robert Wood.
NATO filloi bombardimin e Serbisë më 24 mars 1999 për shkak të spastrimit etnik të popullatës shqiptare nga forcat serbe.
Kërkesa e Rusisë që Këshilli i Sigurimit i OKB-së të diskutonte për bombardimet e NATO-s, u refuzua fillimisht në seancën e mbajtur më 25 mars, sepse rusët nuk morën mbështetjen e anëtarëve të tjerë të Këshillit në votimin procedural.
Tre anëtarë të Këshillit të Sigurimit – Rusia, Kina dhe Algjeria – votuan pro axhendës së propozuar atëherë, ndërsa 12 të tjerët abstenuan. Për miratim nevojiten nëntë vota. /tesheshi.com/
