LSDM përzgjodhi sot Ohrin si destinacion për shpalosje të “bombës” së rradhës të përgjimeve. Kryetari i saj në këtë qytet, Tomisllav Tunevski, publikoi një bisedë telefonike në të cilën pretendon të jetë shefi i kabinetit të kryeministrit Gruevski, Martin Protugjer, i cili ka blerë tokë shtetërore nëpërmjet një kompanie të huaj, pronare e së cilës është vetë ai, ndërsa marrëveshjen e ka arritur me ministrin për Transport, Mile Janakievski.
Edhe pse në atë vend është planifikuar zhvillimi i një zone turistike, Tomisllav Tunevski tha se për shkak të Protugjerit është ndryshuar i tërë plani urbanistik.
Kryetari I LSDM-së në Ohër tha se në vitin 2013 gjatë kohës së zgjedhjeve lokale, të gjithë institucionet shtetërore kanë qenë të keqpërdorura për nevojat partiake të VMRO-DPMNE-së, ndërsa janë angazhuar edhe struktura parapolicore, për çka publikoi një komunikim me anë të një sms-je të porosive të Ministres së Brendshme Jankullovska, me shefin e kabinetit të kryeministrit, Martin Protuger.
E ballafaquar me informacionet për brutalitetin e këtyre strukturave, Jankullovska i shkruan Protugerit: Do të na kthehet për koke bashkëpunimi me njerëz të tillë. Atë që mendon se e bëjnë për ty, do ta bëjnë pesëfish kundër teje. Nga përvoja e them, sepse e kam përjetuar në lëkurën time”
Protuger i përgjigjet: “Ta dish ti se me kë kam punë, do vdesësh së qeshuri. Me ciganë, egjiptas, faraonë, njerëz të çmendur, invalidë, vagabontë etj. Do të shkruaj memoare për këtë në Ohër. Çmenduri”, lexoi sms-porosinë Kryetari i LSDM-së në Ohër, Tomisllav Tunevski. /tesheshi.com/
