Ish-Presidenti i Kroacisë, Stipe Mesiç, ka deklaruar në emisionin e gazetarit Milaim Zeka “Pa Rrotlla” se në kohën e luftës në Kroaci ne kërkuam që të hapej fronti i jugut, pra edhe shqiptarët e Kosovës të nisnin luftën, por tha ai: as shqiptarët nuk ishin gati, por edhe Shqipëria nuk do të përfshihej në këtë konflikt.
Fraza e Mesiç ka qenë diplomatike por e qartë: “Shqipëria do të ndërhynte vetëm sëse do të sulmohej”.
Ish-anëtari i kryesisë së Jugosllavisë dhe ish-Presidenti i kroacisë ka rrëfyer për gazetarin Milaim Zeka se ai dhe Presidenti i kroacisë franjo Tuxhman kanë vizituar Tiranën në vitin 1992 dhe kanë takuar Berishën, por Shqipëria sipas tij nuk ishte në gjendje të reagonte.
“Po unë në një marrëveshje me Tuxhmanin kam shkuar në Shqipëri , sepse kemi menduar se hapja e frontit jugor do t’u ndihmonte të gjithëve. Mirëpo, kur i analizuam të gjitha, pamë se Kosova nuk ishte gati dhe se Shqipëria mund të reagonte vetëm atëherë kur do të sulmohej”, tha Mesiç në intervistën ekskluzive për “Pa Rrotlla”.
Ndërkaq, ish- presidenti kroat duke folur për Millosheviçin, ka pohuar se ai ishte njëri nga ata, i cili kishte aftësi të të shikonte drejt në sy dhe të gënjente 100 përqind.
“Po, ai këtë mund ta bënte çdo herë. Pra ,ishte një njeri që nuk mund t’i besohej për asgjë. Ka pas qëllim ta krijojë Serbinë e Madhe. Atij viktimat nuk i interesonin. Mizoria e tij mund të shihet sipas asaj se duke pasë parasysh qeverisjen e tij, nëse dikush do t’i thoshte se një autobus shqiptar iku me shumë fëmijë shqiptarë dhe shoferi ishte serb dhe po t’ia shpjegonit këtë Millosheviqit , ai do të pyeste se a shpëtoi shoferi serb dhe jo fëmijët shqiptarë. Ai ishte një njeri mizor.”, theksoi Mesiç. Më tej, ai ka deklaruar se Millosheviçi ishte për atë se shqiptarët duhet të vriteshin të gjithë.
/tesheshi.com/
https://www.youtube.com/watch?v=dzKqSH2GM_U
