Serbët e veriut sërish kanë treguar se ata zbatojnë plotësisht urdhërat e Boegradit dhe as që pyesin për institucionet kosovare.
Saktësisht, 42 gjyqtarët serbë dhe 14 mjet prokurorë kanë bojkotuar presindetin Thaçi pasi nuk kanë shkuar për ta bërë betimin në Presidencë, si gjyqtarë të Gjykatës Themelore për rajonin e Mitrovicës, edhe pse Zyra e Presidentit ishte përagtitur t’i presë ata të cilët pas dekretimit do të duhej t’i bashkohen sistemit gjyqësor dhe atij prokurorial të Kosovës.
“Sot, dekretimi i gjyqtarëve dhe prokurorëve nga komunitetet joshumicë, nuk ndodhi për shkakun që kandidatët për gjyqtarë dhe prokurorë, nuk erdhën për dekretim. Ata nuk erdhën ngaqë u penguan nga Republika e Serbisë, me qëllimin e vetëm që të mos lejojë integrimin e tyre në sistemin gjyqësor dhe prokurorial të Kosovës. Është ky edhe një hap nga hapat e shumtë që Republika e Serbisë ndërmerr kundër qytetarëve tanë, ngase inkuadrimi i gjyqtarëve dhe prokurorëve nga radhët e komuniteteve joshumicë në Republikën e Kosovës, ka rol të madh në jetën e komuniteteve, në realizimin e të drejtave të tyre dhe në sigurinë e qasjes së barabartë në drejtësi”, thuhet në njoftimin e Presidencës.
Por Thaçi nuk mjaftohet vetëm me Serbinë në akuzë, ai i është vërvitur dhe BE-së, duke e quajtur dhe dështim e paaftësi të saj, bojkotin e gjyqtarëve dhe prokurorëve serbë, pasi ka patur status ndërmjetësues në këtë proces të zbatimit të Marrëveshjes për Drejtësi.
“Pavarësisht këtij dështimi të qëllimshëm të orkestruar nga Serbia, Republika e Kosovës do të vazhdojë të funksionojë, bazuar në parimet kushtetuese të gjithëpërfshirjes, prandaj ftojmë edhe një herë palët e Marrëveshjes për Drejtësi që të kryejnë obligimet e tyre. Republika e Kosovës ka përmbushur obligimet e saj në çdo aspekt”, thuhet në deklaratë. /tesheshi.com/
