“Nëse je mbrojtës mund të ndodhin gjëra të tilla”, u shpreh duke qeshur Zherome Boateng, mbrojtësi i Bajernit të Mynihut. Driblimi që i kishte bërë ylli argjentinas, Lionel Messi, në përballjen e gjysmëfinales së Ligës së Kampioneve u bë hit në mbarë botën, vetëm e vetëm me mënyrën se si Boateng ishte rrëzuar në tokë pas atij dueli.
Në një intervistë dhënë ESPN, mbrojtësi me nënshtetësi gjermane e pranoi se është vështirë ta ndalësh katër herë lojtarin më të mirë në botë, por dhe shumë lehtë mund të biesh viktimë e tij. “Kam qeshur me vetën time me mënyrën se si më dribloi Messi. Kur ju jeni në situate të tilla dhe pranë një lojtari të kalibrit të tillë, është normale të ndodhin këso gjërash”, u shpreh Boateng.
Përkundër shakave të mëdha që vazhdojnë tutje të qarkullojnë në rrjetet sociale, tashmë për Boateng ai rast mbetet në harresë. “Ishte e vështirë me gjithë eliminimin tonë. Por, ne jemi duke u përgatitur që sërish ta kemi në duar tona trofeun e Ligës së Kampioneve”, pëfundoi Boateng.
Përmes kësaj video, kujtojmë edhe njëherë driblimin e Messit ndaj Boatengut: https://www.youtube.com/watch?v=YxQ2Tzj2GHs/tesheshi.com/
