Njerëzit në BMW kanë parë dhe ndaluar një “majmun” kinez Mini gati të dilte në treg.
Kinezët bënë edhe një herë mrekullinë e tyre duke kopjuar këtë herë brezin e parë legjendar Mini Cooper. Kompania përgjegjëse për këtë sakrilegj ishte Beijing Estech Technology, e cila majin e kaluar publikoi planet për një Mini klasik që ishte i destinuar të bëhej automjeti i ardhshëm elektrik i Pekinit.
Sidoqoftë, syri vigjilent i gjermanëve të BMW zbuloi përpjekjet e kinezëve dhe paraqiti një kërkesë për të ndaluar prodhimin e modelit. Kërkesa e BMW arriti në zyrën qendrore të certifikimit të Kinës dhe duket se është pranuar pasi dizajni i Beijing Estech Technology u gjykua të ishte jashtëzakonisht i afërt me atë të makinës klasike.
E vërteta është se Mini i Beijing Estech Technology duket sikur është ngjitur me Mini origjinal. Makina është pak më e rrumbullakosur se Mini klasike, ndërsa është më e përforcuar në dysheme dhe tavan. Nga pamjet mund të hamendësojmë se modeli është elektrik me motorin elektrik të vendosur në pjesën e përparme, nën kapuç dhe baterinë në dyshemenë e përforcuar.
BMW ka krijuar programin e vet të kujdesit dhe konvertimit për Mini klasike të cilat i quan Mini Recharged. Nëpërmjet këtij programi, Mini-të klasikë shndërrohen në elektrike për të vazhduar të qarkullojnë pa probleme në rrugë për shumë vite të tjera pa stresin e ndotjes. Përveç kësaj, tashmë është në zhvillim gjenerata e 4-të e MINI-t të ri, i cili do të jetë plotësisht elektrik dhe do të prodhohet në bashkëpunim me Great Wall nga… Kina! /tesheshi.com/
