Policia e Vlorës hedh poshtë të dhënat e ofruara në Top Story-n e të mërkurës në TCH, ku jepej shifra e 80 personave të zhdukur në Vlorë, në gjithsej tre vjet. Por jo sipas bluve të qytetit bregdetar. Në 3 vitet e fundit, referuar statistikave të tyre, rezulton se numri total i personave të larguar nga banesa është 23.
Në 2016 – 4 shtetas të larguar
Në 2017 – 6 shtetas të larguar
Ne 2018 – 13 shtetas të larguar
“Shumë prej këtyre personave janë larguar me dëshirë nga banesa, por dhe janë rikthyer” thotë policia e Vlorës në një njoftim për shtyp duke shtuar – Megjithëse të gjitha rastet janë referuar në Prokurori, vetëm për 4 raste në 3 vitet e fundit janë konstatuar elementë të veprës penale dhe janë regjistruar në Prokurori si çështje, e ndërkohë po vijojnë hetimet për gjetjen e tyre”, thuhet në një deklaratë të Policisë së Vlorës.
Reagimi vjen ndërsa dhe PD i mëshoi të dhënave të ofruara në Top Story.
Për policinë e Vlorës, edhe numri i krimeve ka rënie, ndryshe nga ç’perceptohet situata nga gjuha e opozitës.
“Nga 12 vrasje të evidentuara në vitin 2017, numri i tyre ka rënë me 50%, ose në 6 vrasje në 2018. Nga 10 vrasje të mbetura në tentativë në 2017, është ulur me 50% numri në 2018, pra janë 5 tentativa të evidentuara”, janë këti statistikat e Policisë së Vlorës. /tesheshi.com/
