Në përfundim të mbledhjes së grupit parlamentar të Partisë Socialiste, deputeti Ben Blushi ka bërë me dije se në këtë mbledhje është diskutuar edhe për ngjarjen që ndodhi në qytetin e Elbasanit, për të cilën u shpreh se e ka burimin brenda Partisë Socialiste.
“Ngjarja e ka burimin brenda PS-së. Ata në Elbasan janë nën presion psikologjik që ju bëhet vazhdimisht. Ata persona në Elbasan e kapërcyen të drejtën e tyre. Do doja që PS të distancohet na ngjarja e Elbasanit, nga njerëzit që dhunojnë. Nëse PS nuk distancohet, ky është problem i madh”,- tha Blushi.
Në vijim ai shtoi se po nxiten njerëzit për të urryer ata që nuk mendojnë njëlloj, ndërsa duke folur për dekriminalizimin shtoi se prokuroria e policia e di kush janë kriminelët e Kuvendit.
Nga ana tjetër Taulant Balla bëri me dije se grupi parlamentar i PS-së, PS në axhendën e vet të ditës së sotme kishte edhe një kërkesë të dy kolegeve lidhur me një shqetësim të tyre të ngritur për me mbarëvajtjen e një nga takimeve të shumta për ti dhënë mirëseardhjen e anëtarëve të rinj të PS.
“U vlerësua nga ana e kryetarit të PS, Gramoz Ruçi se kjo çështje është një kompetencë e asamblesë së PS të Elbasanit, megjithëse u pretendua se kjo çështje duhej diskutuar edhe në grupin parlamentar”, – tha Balla.
Ai bëri me dije se në mbledhje u diskutua edhe në lidhje me shqetësimin e disa deklaratave të bëra nga Ben Blushi se ka deputetë kriminelë brenda PS.
“Grupi parlamentar i PS e ka mbështetur integritetin e figurave që duhet të zgjidhet apo emërohet në PS”, – u shpreh Balla.
Incidentin e Elbasanit ai e cilësoi si një incident i ndodhur për shkak se për një kolegun e tij :ka një sallë që nuk do ta dëgjojë”.
“Nuk duhet t’i fyejmë sallat nga të cilat zgjidhemi dhe duhet të bëjmë dallimin mes halleve që kanë ato salla dhe dëshirave tona për të zënë një karrige të radhës në rrugën e karrierës që duam të ndjekim. Partia Socialiste është një parti shumë demokratike”, – tha ndër të tjera Taulant Balla. /tesheshi.com/
