Deputeti socialist Ben Blushi ka folur sot nga qyteti i Lezhës dhe ka shprehur edhe një herë qëndrimin e tij kritik ndaj Partisë Socialiste. Siç u shpreh vetë Blushi, në Shqipëri, sa më shumë t’i dëmtosh interesat kombëtare, aq më lart ngrihesh në piedestal.
“Është bërë kthim mbrapsht dhe se mjafton të kesh qenë antikomunist, apo në dukje dhe ishe hero. Në një qytet të Shqipërisë që e përshkruaj në libër, ky njeri vlerësohet si nder i qytetit, çka sipas meje është e pamundur”, – tha Blushi, ndërsa prezantoi librin e tij “Kandidati”.
Për Ben Blushin, kjo tregon sesa poshtë ka rënë morali jonë këto 25 vjet, çka nuk ndodh askund.
“Mund të kesh gjeni, nobelist, por nëse vendos të bashkëpunosh me pushtuesin je kolaboracionist dhe Europa këtë ka ndarë. Në Shqipëri sa më shumë i dëmton interesat kombëtare, aq më lart ngrihesh në piedestal. Kjo është e vërtetë në sensin historik por dhe në ditët tona. Shumë njerëz që po e dëmtojnë Shqipërinë nderohen, vlerësohen, quhen rilindas, patriotë, njerëz të vlefshëm”, deklaroi Blushi.
Sipas tij, parimet deformohen nga regjimet, por në fund të fundit ato mbeten dhe historia njerëzore ka treguar se parimet mbeten ndërsa qeveritë ndryshojnë. /tesheshi.com/
