Për të dytën herë brenda pak ditësh, Ben Blushi i ka bërë me dije opinionit se ai dhe Mimoza Hafizi nuk do të jenë më më deputetë të Partisë Socialiste, që ai e quan ndryshe “Rilindja” së cilës nuk mund t’i takojë.
“Ne kemi vendosur të largohemi nga një grup politik që nuk pranon të zgjedhë. Për të kujtuar këtu se Rilindja vendosi që në Partinë Socialiste të mos kishte më zgjedhje, dhe Rilindja vendosi të zgjedhë me referendum atë që do e trajtonte si një cështje dhe jo një njeri. Unë dhe znj. Hafizi nuk jemi as të parët e as të fundit. Dalim me vullnet të lirë nga një ndërmarrje private që ka vendosur që përmes pasurisë nuk respekton asnjë normë tjetër. Vendosem t’i bashkohemi mijëra shqiptarëve të tjerë që besojmë se vendi ka nevojë për politik të re”, deklaroi Blushi në parlament
Por ndërkohë, deputeti Balla kërkoi që ai të dorëzojë mandatin e marrë nga PS-ja.
“Ke për detyrë që mandatin ta respektosh deri në fund. Nuk e ke mandatin tënd, mandatin tënd merre vetë, mandatin ose kthejua ose mos e mbaj pandershmërisht”, tha Balla.
Nuk dihet nëse dyshja Blushi – Hafizi do e dorëzojnë apo jo mandatin e tyre, gjë më pas i detyron që të mos jenë më as në parlament. Por kjo lloj etike deri më tani nuk është respektuar nga asnjë deputet i shkëputur nga grupi parlamentar përkatës në kohë të ndryshme.
Në rastin konkret, sistemi zgjedhor me anë të të cilit janë zgjedhur deputetë Blushi e Hafizi, i detyron moralisht që ta dorëzojnë mandatin. Ata nuk janë votuar nominalisht, por kanë qenë pjesë e listave të partisë, ku votuesi ka zgjedhur siglën e subjektit dhe dhe jo kandidatin. /tesheshi.com/
