Edhe pse nuk ka pasur një qëndrim zyrtar në lidhje me të ardhmen e biznesit të telefonave BlackBerry, gjatë një interviste për Economic Times, një ekzekutiv i kompanisë doli haptas duke thënë se ishin pranë fundit të platformës BlackBerry 10.
Por surprizat nuk përfundojnë këtu, sepse ai tha që dy telefona Android po vijnë në 2016-tën po aq cilësorë sa edhe vetë telefoni Priv.
Damian Tay, ekzekutiv i divizionit të menaxhimit të produkteve u shpreh me këto fjalë: “Telefoni Priv realisht është hapi i parë drejt ekosistemit Android. Ndërsa konsolidojmë Android-in, pas pak kohësh BlackBerry nuk do të ofrojë më dy platforma por vetëm një. E ardhmja është Android.” /tesheshi.com/
