Blackberry i thotë lamtumirë prodhimit të celularëve që e bënë të famshëm. Shoqëria kanadeze nuk do t’i prodhojë më, por do të përqendrohet në zhvillimin e softwerëve dhe shërbimeve të tjera.
Prodhimi do të drejtohet nga partnerë përtej oqeanit. Është arritur një marrëveshje me një ndërmarrje indoneziane që do të prodhojë dhe shpërndajë pajisjet Balckberry.
Vetëm dhjetë vjet më parë, kompania dominonte tregun e celularëve që përdoreshin nga bizneset. Nuk kishte sipërmjarrje profesioniste që të mos zotëronte një telefon Blackberry, i cili në ato vite ishte sinonim i ‘biznesmenit’, falë fuksionit të mesazheve dhe sigurisë që ofronte sistemi operativ. Por pas daljes se iPhone gjërat ndryshuan.
Duke nisur nga viti 2007, Blackberry filloi të humbiste terren, sidomos në sektorin ku dominonte. Në fillim iPhone e më pas smarfonët Android shënuan dalëngadalë fundin e tij. Aq sa tani ndërmarrja përfaqëson më pak se 1 për qind të tregut. /tesheshi.com/
