Bjellorusia po përcakton kufirin e saj me Ukrainën në rajonin e Brestit, tha përfaqësuesi i shërbimit kufitar bjellorus, Eduard Yermakov.
“Kufiri në zonën e Pinsk është duke u përforcuar, i cili përfshin rregullimin e rrugëve dhe zonave tampon, vendosjen e sinjalizimit dhe vëzhgimit me video. Rojet kufitare janë në gatishmëri të shtuar,” tha Jermakov për kanalin STV.
Ai theksoi se “gjendja në kufi është stabile dhe nën kontroll”, por shtoi se rojet kufitare “janë të gatshme nëse ka ndonjë ndryshim të situatës”, raportojnë agjencitë.
Presidenti i Bjellorusisë, Alexander Lukashenko tha më herët se Ukraina kishte zhvendosur 15,000 ushtarë në kufirin me Bjellorusinë. /tesheshi.com/
