Biskota në furrë është një lloj ëmbëlsire e cila mund të konsumohet për mëngjes me qumësht ose pasditeve vjeshtore me një çaj të ngrohtë. Ka dy mënyra për ta përgatitur: mënyra klasike dhe ajo praktike. Mënyra praktike është kur duam ta marrim me vete ose t’ua japim në dorë fëmijëve dhe është më e lehtë për t’u përgatitur. Mjafton të përziejmë të gjithë përbërësit bashkë duke shtuar dhe një kokërr vezë për ta bërë masën kompakte. Ndërkohë, në këtë rast do të tregojmë mënyrën klasike:
Për 6-8 porcione:
- 600 gr luleshtrydhe
- 1 mollë Golden (jeshile në të verdhë) dhe 1 mollë Fuzhi (të kuqe)
- 5-6 lugë çaji me sheqer të imët
- 1 limon
- 240 gr miell integral
- 120 gr tërshërë
- 80 gr fara lule dielli
- 120 ml vaj ulliri
Qërojmë mollët dhe i presim në kubikë. I hedhim pak limon dhe sheqer dhe sipas dëshirës edhe pak kanellë. Shtojmë dhe luleshtrydhet dhe i shtrojmë në një ënë për pjekje.
Përziejmë miellin , farat, tërshërën. Përgatisim me sheqerin e mbetur pak shërbet të cilin ja hedhim përzierjes me miell. I përziejmë të gjithë përbërësit duke i shtuar dhe vajin e ullirit dhe masën e shtrojmë mbi frutat në enë. E fusim në furrë dhe e pjekim për 10 minuta në temperaturën 180 gradë. /tesheshi.com/
