Takimi i 30 tetorit në lidhje me Sirinë mes një numri kryediplomatësh të fuqive botërore dhe të vendeve të rajonit do të pasohet nga një tjetër takim i tillë, po në kryeqytetin e Austrisë.
Zgjidhja politike e krizës siriane është tema e vetme për të cilën do të mblidhen përfaqësuesit e politikave të jashtme.
Sekretari amerikan i Shtetit, John Kerry, do ta quante nisjen e këtyre bisedimeve si “fillimin e një procesi të ri diplomatik”.
Për herë të parë në bisedimet e fundit të tetorit u ftua dhe Irani, një prej aleatëve dhe mbështetësve më të fuqishëm të Beshar Esadit. Ministri i Jashtëm iranian pritet të jetë i pranishëm dhe në bisedimet e së shtunës.
20 diplomatë nga një sërë vendesh morën pjesë në takimin e mëhershëm, e thuajse kaq mendohet se do të jenë dhe në këtë raund bisedimesh. /tesheshi.com/
