Në një bisedë të dytë telefonike brenda pak ditësh, kryeministri i Kosovës, Hashim Thaçi dhe presidenti serb, Aleksandar Vuçiç kanë folur për pritshmërinë e vendeve respektive nga bisedimet e Brukselit që rinisin sot.
Zyrtarë të Presidencës së Kosovës i thanë Radios Evropa e Lirë se biseda telefonike ndërmjet Thaçit e Vuçiqit u zhvillua të mërkurën në mëngjes në prag të takimit të dytë në Bruksel, në nivel të lartë politik me lehtësimin e shefes për politikë të jashtme dhe siguri, Federica Mogherini.
Duket se presidenti Thaçi po merr rol qendror në bisedimet e Brukselit, ndërsa më herët deklaroi se shembja e murit serb në Mitrovicë nuk do diskutohej në Bruksel, pasi ishte një çështje e brendshme e Kosovës. Bisedimet e Brukselit janë rigjallëruar me nismë të Mogerinit, pas tensionimit të marrëdhënieve që nisën me ndalimin e Haradinajt në Francë dhe me moslejimin e trenit serb me mbishkrime nacionaliste nga hyrja në Kosovë. /tesheshi.com/
