Pa ndonjë vendim konkret ka përfunduar në orët e vona të së martës takimi në Bruksel mes udhëheqësve të Kosovës dhe Serbisë, i thirrur nga shefja e politikës së jashtme të BE-së, Federica Mogherini.
Të dyja palët pohuan pas takimit se ishin “bisedime të vështira”, e se ato do vazhdojnë.
Presidenti Thaçi tha se Beogradit i është bërë e qartë se Kosova do të veprojë si shtet i pavarur dhe sovran.
Ai tha se me BE-në janë hapur të gjitha çështjet, përfshirë edhe fletarrestimet e Serbisë, ndërsa i ka bërë thirrje Beogradit që të mos manipulojë me serbët e Kosovës.
Ndërsa kryeministri serb, Vuçiq, krejt çfarë ka thënë pas takimit është se “ka pajtim për të vazhduar një seri takimesh në nivel të lartë”.
Ndonëse janë pajtuar që takimet e tilla të vazhdojnë, nuk është dhënë një datë se kur do mbahet takimi i radhës, e as temat që do shtrohen në tavolinë. /tesheshi.com/
