Fotografia e një fjali të vogël danez, i cili mundohet të shpëtojë vëllezërit e tij ka prekur gjithë përdoruesit e rrjeteve sociale. Ngjarja ka ndodhur disa kohë më parë, por është publikuar vetëm gjatë kohëve të fundit nga një shoqatë aktivistësh në Afrikë. I vogli shfaqet në fotografi me kraharorin të paveshur ndërsa shtrëngon në gjoks vëllanë e sapo lindur. Në fakt janë dy vëllezër binjakë, ku njëri prej tyre mbahet mes krahëve të të atit.
Fëmijët, për të mbijetuar, pasi kishin lindur para kohe, kishin nevojë për të pasur kontakt fizik me trupin e një njeriu dhe babai e vëllai i tyre më i madh janë kujdesur për ta në repartin e të sapolindurve në spitalin Hvidovre në Kopenhagen të Danimarkës. Kjo teknikë përdoret shumë në vendet skandinave për fëmijët që lindin para kohe apo nën peshë, në mënyrë që të evitohet ndenja e tyre në inkubator.
Metoda shërben për të ndihmuar në zhvillimin neurologjik të fëmijës, rregullimin e temperaturës së trupit, të rrahurave të zemrës, presionit të gjakut dhe frymëmarrjen. /tesheshi.com/
