Projektligji për mbrojtjen nga zhurma sot është shqyrtuar nga Komisioni për Bujqësi, Pylltari, Mjedis e Planifikim Hapësinor, në të cilin takim kanë marrë pjesë edhe përfaqësuses të Bashkësisë Islame të Kosovës.
Këta të fundit nuk u pajtuan me nenin 4 të këtij projektligji, paragrafi 2, që i cilëson pajisjet akustike fetare, konkretisht ezanin e xhamive dhe kambanat e kishave si burim të zhurmës.
Fatmir Iliazi, përfaqësues i BIK konfirmoj qëndrimin se zërimi i pajisjeve elektroakustike të mos konsiderohet si zhurmë akustike.
“Do të thotë pika 2 dispozitat e këtij ligji për zhurmën nuk zbatohen nga zërmi i këmbanave dhe pajisjeve elektroakustike në kohën e riteve fetare. Si vërejtje e jona është që i njëjti paragraf të mbetet ashtu siç është propozuar më herët pasi që e dimë se është një kohë e gjatë që po debatohet rreth kësaj pike rreth zhurmës”, tha Iliazi.
Mendim të njëjtë shfaqi edhe deputetja e Partisë së Drejtësisë, Labinotë Demi-Murtezi.
“Bashkësia Islame janë vet që të bëhet një lloj sensibilizimi për kohë të caktuar për namazin e sabahut që është më herët. Le të jetë një standard për të gjitha komunat i pranueshëm, për të gjithë qytetarët. Mirëpo jo të hiqet krejt, ngase kur hiqet nga kjo pikë i bie që futet te politika e mbrojtjes nga zhurma”, deklaroi ajo.
Deputeti i LDK-së Adem Salihaj ka thënë se kjo çështje është e ndjeshme dhe se të gjitha ndryshimet që kanë ndodhur në projektligj kanë ardhur nga Ministria e Mjedisit dhe Planifikimit Hapësinor. /tesheshi.com/
