Kandidati demokrat për Shtëpinë e Bardhë, Joe Biden dënoi dhunën gjatë protestës anti-racizëm, duke akuzuar kundërshtarin e tij Donald Trump për ndezjen e “prushëve” të trazirave shoqërore.
“Të protestosh nuk do të thotë të vjedhësh. Të protestosh nuk do të thotë të digjesh. Nuk ka asnjë lidhje me protestat. Eshtë anarki dhe pikë”, tha ai në Pittsburgh.
“Zjarri po flakëron dhe ne kemi një president që po ndez thëngjijtë, në vend që të shuajë zjarrin,” tha ish-zv.presidenti i Barack Obama-s, i cili do të përballet me miliarderin republikan në zgjedhjet e 3 nëntorit.
“Presidenti nuk ka qenë një autoritet moral për një kohë të gjatë (…) Ai nuk mund ta ndalojë dhunën, sepse e ka inkurajuar atë për vite me radhë,” tha Biden.
“Donald Trump ka qenë një element toksik në vendin tonë për katër vjet”, kur ai fitoi papritur në zgjedhje, vazhdoi kandidati demokrat, duke e akuzuar atë për “helmimin e vlerave amerikane” që nga ajo kohë.
Trump nuk ka arritur të mbrojë Amerikën
Presidenti republikan në largim “nuk arriti të mbrojë Amerikën”, e cila është e munduar nga disa kriza të papara, pandemia COVID-19 me më shumë se 180,000 vdekje, kushte të këqija ekonomike, një valë protestash kundër racizmit dhe dhunës policore, të cilat po dalin jashtë kontrollit.
“Dhe tani ai dëshiron të trembë Amerikën … E gjithë fushata e tij presidenciale bie në një gjë, dhe kjo është frika,” thotë Biden. /tesheshi.com/
