Kandidati demokrat për Shtëpinë e Bardhë, Joe Biden, ka kritikuar Presidentin Trump për keqmenaxhimin e pandemisë së koronavirusit, duke paralajmëruar një “dështim kolosal” për testet, si dhe prirjet e tij ksenofobike dhe në këtë rast, pasi e konsideron virusin si “diçka të huaj”, raporton AFP.
“Të gjithë ata që duhet të testohen me rekomandimin e një mjeku duhet të jenë në gjendje ta bëjnë atë falas. Dështimi i administratës në testim është shumë i madh. Eshtë një dështim në përgatitjen dhe kryerjen e testimit”, tha Biden.
“Frika e qytetarëve është rezultat i mosbesimit sistematik ndaj këtij presidenti,” shtoi ai.
“Gjithashtu ne nuk duhet të panikojmë dhe t’i drejtohemi ksenofobisë. Cilësimi i Covid-19 si një ‘virus i huaj’ nuk fsheh vendimet e këqija që administrata Trump ka marrë deri më tani,” tha Biden.
Të enjten, SHBA kaloi pragun e 1.300 të infektuarve me virus, 38 prej të cilëve ndërruan jetë.
Epiqendra mbetet Nju Jorku, ku qyteti me 8.5 milion banorë, ka rreth 100 pacientë të konfirmuar, dhe numri i tyre po rritet nga orë në orë. /tesheshi.com/
