Presdenti Meta shfrytëzoi tjetër shkak, të tipit folklorik, për të përçuar mesazh lufte me kryeministrin Rama.
Kësaj here, kreu i shtetit zgjodhi vargjet e të ndjerit Qerim Sula, një këngëtar i njohur dibran, për të gjetur aty atë që i përgjigjet kontekstit të tij politik; betejës egërshane të tij me të parin e qeverisë.
“I lumtur të vizitoj Zall Dardhën, fshatin me histori të madhe të luftërave për liri, për t’u përulur me respekt para kujtimit të burrave të shquar të kësaj treve, për të cilët mjeshtri Qerim Sula do të këndonte: ‘Me gjoks flakën ja shuajmë topit, Jemi gjaku Kastriotit!’
Të rritur me Korabin përballë, bijtë e shquar të Zall Dardhës kanë marrë prej malit madhështor cilësitë e qëndresës dhe kryelartësinë në karakterin dhe shpirtin e tyre.
Ashtu si e gjithë Dibra, edhe kjo trevë ka qenë përherë djepi i luftërave patriotike për liri, por edhe dhe identitet kulturor. Jo pa kuptim ata Kuvendin e tyre të burrave e quajtën ‘Dheu’, për të treguar, se si Anteu ata e marrin bekimin dhe fuqinë e tyre prej tokës që i lindi dhe rriti.
Tradita e Kuvendeve në Reç e Dardhë, është ndër shembujt më të shquar të përgjegjësisë atdhetare, të organizimit dhe qeverisjes vendore.
“Besa – besë, nihet zani,
Zot t`i dalim këtij vatani…”, shkruan Meta. /tesheshi.com/
