Në një “luftë” të hapur me “Anti-KÇK”-në e Ramës, PD vendos ta godasë këtë të fundit në familje.
Në fillim me pretendimin se i vëllai ka një makinë të blinduar, por që sipas PD-së nuk listohet nga OFL-ja.
“Edi Rama dhe ushtari i tij në Minsitrinë e Brendshme, Sandër Lleshaj kanë standard të dyfishtë në zbatimin e ligjit. Ata urdhërojnë shfaqje propagandistike me bllokimin e automjeteve të blinduara, të pajisur me leje të lëshuara nga vetë policia, por nuk bllokojnë makinën e blinduar të Olsi Ramës.
Partia Demokratike solli fakte se mjeti i blinduar me të cilin Edi Rama lëviz në shkelje të rregullave, i përket Olsi Ramës. Megjithatë i ashtuquajturi Operacion i Forcës së Ligjit dhe Policia e Shtetit vazhdojnë të heshtin, duke mos dhënë asnjë shpjegim pse Olsi Rama është i paprekshëm dhe mbi ligjin”, tha ish-deputeti Salianji.
Ndërsa Sekretari i Përgjithshëm Gazmend Bardhi, iu qas vilës së Ramës në Surrel, duke i vënë dhe një çmim asaj.
“‘Anti-KÇK’-ja të nisë punën nga vila luksoze 2 milionë euro e Edi Ramës dhe nga shtëpitë e padeklaruara të Sandër Lleshajt”, tha Bardhi. /tesheshi.com/
