Ka startuat një tjetër betejë politike anti-30 Qershorit, nga ato dhe me reagime fizike.
Tashmë që nis ndërrimi i krerëve bashkiak, ku ato të dalë nga zjedhjet e 30-ës duhet të zënë vendet, kur vjen fjala që të zëvëndësuarit janë nga opozita PD-LSI, karrigia e kryetarit nuk lëshohet.
Arsyetimi është po ai: presidenti e ka anulluar 30 Qershorin, ndaj dhe ai nuk njihet prej tyre. Kështu, zhvillimi i parë i kësaj faze të dytë pas asaj të KZAZ-ve, të cilat edhe u dogjën në disa raste, vjen nga Devolli, ku kryetari i atyshëm është nga PD.
Përkrahës të kësaj të fundit kanë mësyrë zyrat e bashkisë, duke thënë se ajo nuk ka përse të lëshohet gjersa 30 Qershori nuk njihet prej tyre.
Ishte vetë kryetari Bledjon Nallbati, i zgjedhur nga radhët e PD-së katër vite më parë, që tha se nuk e liron zyrën.
“Ne po vijojmë punën. Nuk ka pasur zgjedhje. Populli i abandonoi. Ishin zgjedhje të PS-së. Bashkia po uzurpohet. Ne zbatojmë dekretin e presidentit. 30 qershori është shfuqizuar.
Do mbrojmë Kushtetutën. Nuk ka kryetar të ri as këshill të ri. Kryetarët vijnë dhe ikin me zgjedhje. Nëse bashkia pushtohet do t’i ndalojmë dhe procedojmë pranë prokurorisë”, deklaroi ai për mediat./tesheshi.com/
