Kreu demokrat Basha, duke komentuar zhvillimet në Devoll, pretendon se mazhoranca po merr forcërisht atë që nuk i takon nga 30 Qershori.
“Pushteti i paligjshëm i 6% po uzurpon me dhunë qeverisjen lokale, kundër vullnetit të popullit. Ky regjim kriminal dhe plaçkitës po hyn në rrugën e verbër të përplasjes me popullin e tij. Sot hajdutët në pushtet ndjehen të mbrojtur se kanë polici speciale, gaz lotsjellës dhe mercenarë, por nesër do të kenë fatin që meritojnë hajdutët dhe banditët”, shprehet Basha.
Gjithashtu, PD thotë se nuk do e lëshojë Bashkinë e Devollit, pasi sipas saj ajo është uzurpuar në mënyrë të paligjshme. Si një “provë force” pas përbetimit për të mos lëshuar zyrat për të zgjedhurit socialistë të 30 Qershorit, mesazhi nga Devolli e përcolli ish-deputeti Salianji.
“Sikur e keni parë nuk po lejojnë instalimin e një junte debilash të cilët flenë në institucionet publike duke i trajtuar si fjetore ku prodhojnë para, e parë se si një barkderr i shëmtuar pothuaj sa Rama shkallmoi dyert e institucioneve për të treguar se nuk ka ligj dhe se bëri vetëgjyqësi do të mbajë përgjegjësi pas kallëzimit dhe personi i vetëshpallur si kryebashkiak do të kallëzohet për përvetësim të titullit. Qytetarët nuk do të tërhiqen. Do të jemi në mbështetje për shkak të kërcënimeve që bëhen ndaj administratës”, tha zyrtari demokrat.
Forca të shumta policore po qëndrojnë para godinës së bashkisë, për të mos lejuar ish-drejtuesit e PD-së që të hyjnë aty. /tesheshi.com/
